SERMON PJJ TANGGAL 8-14 MARET 2020 GBKP KM 8

“Perukuren si mbaru (2 Kor.5:16-19) – Evaluasi Entrepreneurship”

Kata Perlebe

Ibas PJJ-nta ibabai kita lako mengevaluasi pelayanenta tahun 2019, si inget tema tahunenta 2019, e me : “Meningkatken jiwa kewirausahaan (entrepreneurship) warga GBKP ibas bidang ekonomi, bagepe kepedulin ibas bidang kesehaten ras lingkungen.” Erbahan evaluasi enda tuhu-tuhu penting, sebab Tuhan Dibata pe ibas njadiken sinasana erbahan evaluasi, ikataken : Dibata si njadiken si nasa lit alu mehuli ras erbahan penilaian (evaluasi) kerna kai si enggo itepaNa tuhu-tuhu mehuli (Kej.1:10,12,18,20,25,31). Ibas wari si peenemken Dibata njadiken manusia sentudu ras tempasNa, dilaki ras diberu ijadikenNa guna engkuasai ras ngusahai kerina tinepa (Kej.1:26-27). Tangkas dage man banta arah kai si ilakoken Dibata ibas nepa sinasana (cratio ex nihilo) mereken kegeluhen, kerina itamaken ras erdalan alu mehuli. Rasul Paulus ibas nggejapken mbuena pemere-pemere (Jun. kharis, kharismata), talenta ras kengasupen-kengasupen ibas perpulungen, ngataken gelah kerina erdalan alu metunggung dingen ratur (1 Kor.14:40). Bagem kerina kita arus berkembang rikutken sura-sura Tuhan, erdahin alu tutus, nina Martin Luther erdahin e me ibadah (persembahen ras pengataken bujur) man Dibata. Tentuna teptep kalak kita banci ngidah terjeng ija kita enggo mengembangken jiwa kewirausahanta (entrepreneurship).

Isi

            Arah bahan PJJ-nta enda, Rasul Paulus ngidah melala kel tantangen si menghambat terjadina pengembangen secara bersama (koinonia ras kooperasi). Sebab melala terjebak kubas perukuren ras sikap pragmatis (rukur terjeng dirina saja), la ngidah maka ibas kiniersadan (koinonia) ras kebersamaan (koperasi), e me si mereken keriahen ras kemalemen ate bagepe si ngerehken pasu-pasu (bd. Mas.127). Ertina kita arus ngidah ras ngergai potensi si lit itengeh-tengahta, potensi dirinta ras potensi senina ras turangta guna peningkaten bersama (la situalen). Enda me pendilo Tuhan arah pengorbanen Tuhan Jesus, pengorbanen guna kerina manusia, gelah ulanai lit nggeluh erbana-bana. Adi perukuren (pertimbangen) manusia secara doni (si teriket kubas dosa), fokusna keakunta (egonta, egoisme), tapi ngidah pengorbanen Tuhan Jesus, lanai bage sibahan (ay.16). Tapi kita enggo ersada ras Kristus, tinepa si mbaru, perukuren si erbana-bana (kegeluhen si male) enggo lepas, alu bage tangkas banci si idah kegeluhen si mbaru, emaka nina Paulus nehenlah si mbaru enggo reh (ay.17). Enda kerina labo beluhta, tapi Dibata nge si erbahansa, adi gelgel kita ermusuhen ras IA genduari enggo ibahanNa jadi temanNa. Bagem Paulus sendiri pe ngakui maka gelgel nari ermusuhen ras Dibata, tapi genduari enggo ijadikenNa jadi si erdahinNa guna njadiken musuhNa jadi temanNa (ay.18). Ibas Tuhan Jesus, Dibata lanai mperhitungken kelepaken (dosa) manusia. Bagem genduari bagi man Paulus enggo iendesken Berita perdamen e, maka man kerina kalak si ngaloken Jesus, enggo ijadikenNa jadi temanNa guna kegeluhen ibas dame. Alu bage kita kerina banci nggeluh ibas persadan (koinonia) ras kiniersadan (koperasi).

Pengkenaina : Perukuren si mbaru.

  1. Nggeluh erbana-bana (egois) enda encidahken kegeluhen si lenga ersada ras Kristus Jesus. Banci jadi lit nge sigejapken keriahen ibas kegeluhen si bage, tapi adi nggit kita ngukurisa alu mbages (perukuren si mbaru), labo mereken keriahen si tuhu-tuhu, tapi ulihna mesangat denga kebiaren ras kerun ateta si mengancam kita.
  2. Filosofi Kaum Quaker, “Aku mengangkatmu dan engkau mengangkatku, lalu kita naik sama-sama” tentu lebihen min kita sebage kalak Kristen si enggo ipelimbaui Tuhan Jesus.
  3. Arah perukuren si mbaru enda, si evaluasi peningkaten jiwa kewirausahanta (entrepreneurship) tema tahun 2019, tentuna banci si saksiken ibas peningkaten ekonomi, kesehaten, ras kesejahteraan lingkungenta ija kita tading. Contoh ibas kalak : kue bronis “Amanda : Anak menantu aman dame” ibenaken sekalak nande pensiunen guru I Bandung, genduari enggo merambah ku tiap kota Indonesia. Uga kita ras keluarganta ibas mengembangken ekonomi, kesehaten ras kesejahteraan masyarakat lingkungenta? Evaluasi!
  4. Dk Rosleni br Sitepu alu “Rose Garden” guna meningkatken jaringen berentrepreneurship.
Close Bitnami banner
Bitnami