Kata Sambutan

Pdt. Obet Ginting S.Th, MA Ketua Runggun GBKP Km 8 Dalam Peluncuren Website GBKP Km 8

Kata Sambutan

Pdt. Obet Ginting S.Th, MA

Pdt. Obet Ginting S.Th, MA

Ketua Runggun GBKP Km 8

Pujin, kemulain ras pengataken bujur sipenangkih kuadep-adepen Tuhan Dibata  ibas ingan simeganjangna. Ibas keleng ateNa kegeluhen gerejanta ngasup ndahiken dahin pelayanen lako mpermakani perpulungen. Ibas sura-sura guna meningkatken pelayanen, terlebih-lebih ibas kita mengaplikasiken tema tahunen GBKP, tahun 2020 : “Meningkatkan kemampuan warga GBKP dalam pengelolaan informasi dan keterampilan dalam penggunaan tekhnologi informasi.” Ibas wari enda Rabu 11 Maret 2020 si resmiken/siluncurken website GBKP Runggun Km8, www.gbkpkm8.or.id ibas halamen gerejanta.

Sikataken bujur man seksi Litbang ras TI GBKP Km 8 ibas waktu singkat kenca itetapken kerina seksi si membidangi kerina pelayanenta, ras penyusunen program ras anggaren tahun 2020, minter ngerjaken alamat website enda. Siarapken gelah Litbang TI enda terus erdahin guna memaksimalken penggunaan website enda alu mehuli. Raduken ras si e sipindoken pe gelah lLitbang ras TI erbahan penelitian arah erbahan angket guna ngidah kai kin permasalahen si lit itengah-tengah perpulungen ras mindo masuken kerna kai-kai saja si arus ilakoken guna pengembangen GBKP Runggun Km 8enda. Arah website enda sura-suranta gelah kerina warga sidi GBKP km 8 aktif ibas pelayanen ras mereken informasi sebab rikutken Tata Gerejanta, Tata Dasar Pasal 6.2, ikataken warga dipanggil untuk melaksanakan missi GBKP, bagepe Tata Laksana BAB I Pasal 1.1, ikataken warga gereja adalah subjek dalam kehidupan gergereja. Kegeluhen ergereja e me ngelakoken “Tri tugas panggilan gereja (Marturia, Koinonia ras Diakonia), bagepe ibas nehken persembahen ibas ngataken bujur man Dibata.

Mari dage raduken kerina kam senina ras turang kami si lit ikaten emosionalta ras GBKP Runggun Km 8,  website enda me rumahta ras. Arah alamat rumahta enda  banci kita “mburo ate tedeh” asum ibukandu ras kirimken ka beritandu, khususna pengalamenndu ras gerejanta enda. Alu bage tergejap tangkas dinamika kegeluhen gerejanta dari masa ke masa. Terlebih-lebih seh asa genduari lenga tersusun sejarah pantekna GBKP Km 8, banci si bereken informasi kerna sejarah e gelah banci ka sada paksa kari isusun “Bunga Rampe GBKP Km 8”.

Lebih asa si e arah media enda banci kita siajar-ajaren, saling memperlengkapi ibas ndahiken pendilo Tuhan I tengah-tengah gerejanta. Khususna ibas ndalanken Amanat Agung Tuhan Yesus, “Laweslah ku kerina bangsa manusia, bahanlah ia jadi ajar-ajarKu, peridiken ia ibas gelar Bapa, gelar Anak, ras gelar Kesah Si Badia (Mat.28:19)”. Alu ketedehen ate kerna wari pendungi (kedungen jaman), enggo leben ipedahkenNa, “Janah kenca Berita Si Meriah kerna Kinirajan e iberitaken man manusia I belang-belang doni enda, jadi saksi man kerina bangsa, kenca bage maka seh me kedungenna e (Mat.24:14)”. Arah kemajun tekhnologi informasi enda, khususna “rumahta enda” mari dage si Beritaken Berita Si Meriah, wari “Maranatha” pedas me seh. Soli Deo Gloria.

PERESMIAN WEB GEREJA GBKP KM 8

Pada hari jumat, 11 Maret 2020 pukul 17.00 di Jl. Jamin Ginting Km.8 Gereja GBKP Km.8

ALAMAT

Jalan Jamin Ginting Km.8 Padang Bulan Medan, 20142

Hubungi kami

(061) 88369578

email

info@gbkpkm8.or.id

Close Bitnami banner
Bitnami