LITURGI PAGI KEBAKTIAN MINGGU PASSION V “LETARE”/TERIDAHLAH

KHOTBAH PDT OBET GINTING

LIVE RECORD PUKUL 08.00 – 12.00

atau jika anda mau membaca bahan khobah, dapat di baca klik dibawah ini

LITURGI KEBAKTIAN MINGGU PASSION V
“ LETARE : TERIDAHLAH”
MINGGU 22 MARET 2020

PERSIKAPEN

Kata Pengan-Ngalo Ras Momo

Turang ras senina i bas Tuhanta Jesus Kristus, seIaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekeIengen kami si sekaIi enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo).

 

Kata Penaruh

Minggu enda igelari Minggu Letare eme Minggu Passion sipelimaken si ertina “Teridahlah.” Ija i bas Minggu enda kita kerina ibabai guna nginget ras ngidah uga Tuhan Jesus Kristus enggo ngenanami kiniseran i bas IA erbahan si mehuli, i bas IA ngelawan si jahat, i bas IA mbela kegeluhen manusia, i bas IA mabai ras ngajari manusia ku bas geluh si mehuIi. Emaka kalak si ngikutken IA, genduari i dilo guna ras IA ngenanami kiniseraan i bas ndalanken si mehuIi. Jesus kap terang doni enda, emaka kita seIaku anak-anak terang i ajuk guna ncidahken sinalsal terang e i bas kerina dampar kegeluhenta gelah arah si e terpuji gelar Dibata Bapanta i Surga.

(Paksa Teneng)

Marilah kita ersikap guna ndahi Tuhanta alu ngejapken uga belinna kekeIengenNa nandangi kegeluhenta si dem alu kekurangen gelah kita ngasup ngataken bujur i bas kai pe si ibereken Tuhan man banta

 –Perpulungen Tedis–

 KEE 217 MERIAHLAH UKURTA MUJIKENCA

Verse 1

Meriah kal Ukurta mujikenca, Diabata Raja mbelin si mulia Pebliken min gelarNa si Badia, ban Ia ngerajaisa sinasana chorus Maka bujur nge Dibata man pujin, nai nai nari genduari seh pagin Ban tandaiNa kita krina si suin, sembah la me madin.

Verse 2

Dagena mari pujilah Dibata, Si inget min kerina pemereNa ‘Lah tetap ras megegeh pe tendinta, Mehuli me jadina k’rajang jelma

 

Votum Salam

L: I bas gelar Dibata Bapa, AnakNa Jesus Kristus ras Kesah si Badia.

Lias ate Tuhan Jesus Kristus, kekelengen Dibata Bapa ras kerembaken Kesah Si Badia ras kita (kam) kerina gelah. Amin.

P: Amin ….. Amin ….. Amin ….. (lendeken)

 

Berita Kerna Perbahanen Ras Sura-sura Dibata (Invocatio)

Hab  3 : 2b

Mari radu ras kita muji Tuhan alu rende : …..

 

KEE 354 KAM SI MBELIN

verse 1

Kam si mbelin  Kam terb’rita Kam kap si termulia Mehuli Kam Dingen erkuasa Kam si mada k’rina sinasa Chorus Sinalsal keleng ate Tuhan Bagi emas silabo luntur Rejin tuhu dolatNdu Tuhan Ngarak-ngarak kegeluhen

verse 3 Genduari O Dibata Kusehken bujur banNdu Terpuji Kam si mada k’rina Si ngkelengi kegeluhenku

–Perpulungen Kundul—

 

Pengakun Kerna Kekoten Ibas Kegeluhen

L : O Tuhan nehenlah kami anak – anakNdu si kote dingen dem alu kekurangen ras kelepaken. si tuhuna la kami metunggung i lebe – lebe Ndu sabab Kam kap Bapa si dem alu kebadian Kekelengen ras kuasa, Emaka tuhu – tuhu ngaku kami Tuhan, kalak perdosa kap kami

L + P : Rende Kee 394. Tuhan alemi aku
Tuhan alemi aku alemi dosa ras kesalahenku bereken bangku pusuh si mbaru gelah metunggung iadepenndu

L : O Tuhan, Ibas kegeluhen kami rusur kami la nginget uga belinna perkuah ateNdu si nggit ngenanami kiniseran gancih kami. Uga belinna kekelengenNdu si nampati ibas perbeben kami subuk ibas sakit, pendahin kami, perbeliten ras ibas kai pe saja si jadi bas kegeluhen kami. Rusur kami nalahken Kam ibas kegeluhen kami, Tuhan sasapken lah dosa kami.

L+P Rende : KEE 354 KAM SI MBELIN
Verse 2 Tuhan alemi aku sura-surangku rusur kuikutken ajari aku kerna p’ratenndu pertangkas kai arus kulakoken

L : Rusur kami la ngukuri ise kami i lebe – lebNdu, rusur kami erpengakap maka belinen kami asangkken Kam. Arah kata, ras lagu langkah kami icurnaken kami gelarNdu Tuhan, Arah mata si arusna ipake kami guna ngenehen kemulian ras kekelengen Ndu rusuren ipake kami guna ngenen si la mehuli ibas kegeluhen kami. Alu babah si arusna ipake kami guna muji ras mpermuliaken gelerNdurusuren ipake kami guna ngeranaken si la mehuli, cakap sumpah si nakiti pusuh teman kami terlebih lebih Kam o Tuhan. Arah tan si arus na ipake kami guna nampati kalak i sekelewet kami ras ndahiken singena ateNdu rusuren ipake kami guna njemak ras ngelakoken si la ngena ateNdu. Arah nahe si arusna  ipake kami guna. Arah nahe si arusna  ipake kami gunadalan ibas kebujurenNdu rusur ipake kami guna nilah ibas kebenaren ras mabai kami ku dalan si la mehuli si dem alu kinilabujuren. O Tuhan tuhu tuhu ngaku kami maka geluh kami megati enggo ndauh iadepenNdu nari.

L : Mari sipindo gegeh idur Dibata nari arah ende endenta : KEE 354 KAM SI MBELIN
Verse 3 Tuhan alemi aku rusur denga lagungku  la mehuli  ku ban si jahat bas pengakapndusasapken krina salah lepakku

 

Padan Dibata man kalak si ngakuken dosana

Lit: Bahan maka pusuhndu sigetem ncidahken atendu  ceda. Adi uisndu saja nge icaingkenndu la kap bias.Jeralah kempak Tuhan Dibatandu. Ia melias dingen dem perkuah ate.Ia persabar janah tetap icikepNa padanNa. Tetap Ia nggit ngalemi dosandu, la kam iukumNa.(Yoel 2 :13)

 Meriah ukurta sabab ialemi Tuhan kerina dosa ras kelepakenta, dingen ibrena gegeh si mbaru man banta emaka si puji IA tole arah ende endenta: KEE 21. O, TUHAN SI ERKUAH ATE
O, Tuhan si erkuah ate Man kami si perdosa e Ipuji kami me GelarNdu Perban liasNdu mbelin e Dengkehken sora kami e Begiken toton kami pe 2. Ibahan Kam kap purpursage Nasapken dosa kami e Em kap erbahan penangtangen Man kami si tertaban e rmengkah ate baNdu e O, Tuhan Bapa kami e.

–Perpulungen Tedis—

 

Pendilo guna ikut ibas kiniseran Tuhan Yesus

Lit        :Ngaloi Yesus nina :”kukataken pe man bandu, maka isepe si nadingken rumahna, seninana, ntah turangna, nandena ntah bapana, anak-anakna ntah jumana, erkite-kiteken Aku dingen erkite-kiteken Berita si Meriah, genduari e pe ialokenna buen asa si ndai. ialokenna seratus kali lipat :rumah, senina, turang, nande, bapa, anak ras juma, aminna mesera akapna erkiteken iayak-ayak kalak janah janah ialokenna pe pagi kegeluhen si tuhu-tuhu si la erkeri-kerin.(Markus 10 :29-30)

Sijadi gegehta guna ikut ibas kiniseran Tuhan Jesus, rende kita ibas : …

 

KEE 299. NGIKUT TUHAN KIN ATENDU

Verse 1

Ngikut Tuhan kin atendu, Persan silang Ola sangsi ola mbiar ikukenlah. Chorus Persan saja min silangNdu, Ikut terus Mulia me kal upahNdu tetap tutus. verse2 Simbaklah min peratenndu, saber tetap. Bujur saja ukurindu, dat me sangap.

 

–Perpulungen Kundul—

NGOGE KATA DIBATA

Ogen : 1 Petrus 4 : 12 – 19 (Tunggal)

L: Ketuahen kalak simegiken Kata Dibata, dingen si makenkenca ibas geluhna, Haleluya.

Perp:Haleluya, Haleluya, Haleluya (iendeken)

 Khotbah : Masmur 69 : 30 – 37 (Anthiponal)

Thema: KUBERITAKEN KEMULIAN TUHAN

 

–Perpulungen Tedis–

Pengakuan Kiniteken

–Perpulungen Kundul–

–Persembahen Pengataken Bujur–

 L : Kata Dibata si jadi palas ibas nehken persembahen : “ Geluhndu arus erpalasken keleng ate, bagi kristus enggo engkkelengi kita, dingen ngendesken kesahNa man gunanta. IA enggo mpersembahken diriNA jadi persembahen si merim si ngena ate Dibata” (Epesus 5 : 2)

Tupung siendesken persembahenta mari radu ras kita rende : KEE 450/SUPLEMEN 238. ENDESKEN KAMI MAN BANDU

Endesken kami man baNdu Sada bagin pemereNdu Persembahen kami baNdu Gelah ialokenNdu chorus Pasu-pasuNdu min gelah Si tading ibas kami AjariNdu dage kami M’re persembahen baNdu

verse 2 i pepulung persembahen Si Endesken e man Tuhan sa gegeh kengasupen Mari si persembahken

verse 3 K’rina jine si aloken Erta ras pe kiniliten Sada bagin si ulihken Asa si nggo sikapken

verse 4 Enda enggo ipepulung Amin lenga bo metunggung Ersembah lenga bo beluh Tapi ukur ersuruh

 –Perpulungen Tedis–    

Perpadanen Man Dibata

L :Nina Jesus, Aku kap terang doni, ise singikutken Aku, ialokenna me terang si mereken kegeluhen, janah lanai IA erdalin i bas gelap. Emaka ersinalsallah min terangta (ndu) selaku kalak si tek man Jesus.

P: Tuhan, tetap ate kami ncidahken terangNdu e i bas kerina dampar kegeluhen kami ras jadi kesaksin si nggeluh guna sekalewet kami.

 L: Ise si ngikut Tuhan Jesus arus kap mersan kayu persilang i bas ndalani wari-wari si ibereken Dibata.

P: Tuhan, La aru ate kami i bas mersan kayu persilang e. Tapi tetap ate kami meritaken kinulin ras kebujurenNdu i doni enda.

 L: Sipeteguhi perpadanenta man Dibata, ras kita rende i bas : PEE 74. KUIKUTKEN ME DALANNDU

verse 1 Kuikutken me dalanNdu Dalan dame man bangku Terkelin me kap geluhku Itebusi darehNdu chorus Kuikutken me dalanNdu Kuendesken geluhku Bas Kam O, Juru s’lamatku

Dame senang tendingku verse 3 Kupersilahangken bangku Ngikutken pendiloNdu Kudalanken peratenNdu Dat aku pasu – pasu verse 4 Kupetetap me ukurku Nggeluh bujur ras tuhu B’reNdu usihen man bangku Puji sembahku baNdu

 

–Pertoton Tuhan—

Pengutusen Ras Pasu – Pasu Dibata

L : Turang ras senina si kukelengi, tetaplah ukurta  (ndu) ola mbewat mbewat. Mejingkatlah kita (kam) rusur ibas ndahiken dahin Tuhan, sabab si eteh labo sea-sea dahin si idahikenta ( ndu) ibas Tuhan. Emaka berkatlah alu mejuah juah ras alokenlah pasu pasu idur Dibata nari :

Tapi kenca kita (kam) ngennanami kiniseran kentisik, serta mme kita (kam) ibahan Dibata, si dem lias ate, si ndilo kita (kam) gelah ngenanami kemulianNa rasa lalap erkiteken persadanta (ndu) ras Kristus, ipetetapNa dingen ipegegehiNa kita (kam) janah iberekenNa man banta (ndu) palas si nteguh. Dibata kap erkuasa seh rasa lalap”. Amin.

P : Amin….Amin….Amin….(Iendeken)

BAHAN KHOTBAH OLEH PDT OBET GINTING

ALAMAT

Jalan Jamin Ginting Km.8 Padang Bulan Medan, 20142

Hubungi kami

(061) 88369578

email

info@gbkpkm8.or.id

Close Bitnami banner
Bitnami