Invocatio         : “Ise ngalo-ngalo kam, ia kap ngalo-ngalo Aku, janah ise ngalo-ngalo Aku, ialo-alona kap IA si nuruh Aku” (Matius  10 : 40)

Bacaan             :  Yesaya  52 : 7 – 12 
Khotbah           :  Markus  11 : 1 – 11 
Tema                :  “Ngikutken Yesus”

Perlebe.

Ibas Minggu enda, seh kita ku Minggu Passion VII, Minggu Passion si terakhir, kenca si e seh kita ku  Jumat Si Mbelin, mperingeti kematen Tuhan Yesus, arah dalan kiniseran ras arah Kayu Persilang – via dolorosa ras via Crucis. Ikataken Minggu Palmarum, Minggu lambe-lambe ngingetken kita uga Tuhan Yesus ialo-alo ibas gerbang Jerusalem alu maba lambe (pucuk kurma), e me bahan khotbah minggu enda.  Tema, ngenca kita ngelewati kerina perenunganta kerna kiniseran Tuhan Yesus, e me “Ngikutken Yesus” ertina uga kita mulihi muat keputusan gelah terus ngikutken Yesus.  Ope siterusken gelah lit kita ibas perenungen si mbages, ras kita ngendeken, “Mengikut Yesus Keputusanku” (I Have Decided to Follow Jesus) :

Mengikut Yesus keputusanku , Mengikut Yesus keputusanku,
Mengikut Yesus keputusanku, Ku tak ingkar, ku tak ingkar.
Tetap ku ikut walau sendiri, Tetap ku ikut walau sendiri,
Tetap ku ikut walau sendiri, Ku tak ingkar, ku tak ingkar
                Salib di muka, dunia di b’lakang, Salib di muka, dunia di b’lakang
                Salib di muka, dunia di b’lakang, ku tak ingkar, ku tak ingkar

Lagu enda sada puji-pujian si enggo ndekah, tapi tetap iendeken seh genduari si mereken gegeh ibas kiniteken guna ngikutken Jesus. Adi si buka youtube kerna latar belakang lagu enda, lirikna ibuat ibas kata-kata terakhir sekalak perbapan I kuta Assam (Sada Kuta i Timur Laut India). Ia ras seisi jabuna enggo mutusken guna ngikutken Jesus ibas pertengahen abad 19. Kepala suku Assam maksa ia guna nadingken kinitekenna, tapi nina, “I have decided to follow Jesus”=”Mengikut Yesus Keputusanku”. Anem kepala suku ras kerina anak kuta ngataken idelis, tapi nina, “Though no one joins me, still I will follow”=”Tetap Kuikut Walau Sendiri”. Anakna ras ndeharana idelis, itektek takalna I lebe-lebena, dungna ia pe idelis itektek kerahungna, sebab nina, “The cross before me, the world behind me”=”Salib di depan, dunia di belakang”. Tuhu-tuhu luar biasa, si jadi penungkunen uga kerina enggo dung? Sungguh luar biasa, apakah segalanya berakhir? Tentu lang! Nina Tuhan man Kain, dareh agindu erberita man bangKu (bd. Kej.4:10). Kinata kiniteken sada jabu enda maba kepala suku ras anak kuta, mbiar dingen jera ras ngikutken Jesus.

Ngikutken Jesus arus jadi keputusan pribadinta, tanpa intervensi siapapun,  tidak asal ikut, apalagi ikut-ikutan. Ngikut Yesus arus sadar, labo mabuk, labo emosional, tapi arus jadi keputusen mutlak pribadi. Tuhan la pernah maksa kita ngikutken IA, Tuhan tidak pernah mengintervensi, tidak pernah mendikte kita, tapi IA ndilo kerina manusia alu dem kesadaran, “dengan lembut Tuhan Yesus memanggil, memanggil aku dan kau, ndilo aku ras kam gelah ngikutken IA. Enda me si jadi perenungenta ibas Minggu Passion VII enda.

ISI

Invocatio, Matius 10:40, Tuhan Jesus Kristus la terjeng ndilo kita jadi ajar-ajarNa ras ngikutken IA. Tapi pe nuruhsa gelah lawes lako meritaken  Injil Kerajaan Allah (Berita Si Meriah kerna IA). Tuhan Jesus enggo leben ngidah, maka labo mesunah, ope invocatio enda, enggo leben ilumbakenNa, “Begikenlah! Kam Kusuruh bagi biri-biri kutengah-tengah serigala,…Metengetlah, sabab nangdangi lit me kalak si nangkap kam, iadukenna, iligasina, janah irintakna kam ku pengadilen…! Tapi Tuhan Jesus mempersiapkan pengikutNya melakukan Missi ini (Missio Dei : Missi keselamatan Allah bagi dunia). Tapi tuhu-tuhu jadi keriahen, asum Berita Si Meriah ialoken kalak, ialokenna me Tuhan Jesus jadi Tuhan ras juruselamatna, ras mbuka dalan bengket kubas Kinirajaan Dibata. Ertina man banta, “Ngikutken Jesus, sekaligus ngaloken perintah guna mberitaken Berita Si Meriah, keselamaten man kerina isi doni enda.”

Arah ogenta (Yes. 52:7-12),  Sada ketedehen ate kerna kemenangen ras keselamaten, asum kita enggo talu, itaban, apai ka ibuangken, ndauh ibas anak jabu ras kade-kade, tuhu-tuhu sedak, melino naring. Adi banci kugambarken, bagi kekelengenta si enggo terpapar virus corona, positif, diisolasi, berjuang melawan virus, hidup atau mati, saat ini terpisah dengan keluarga, tidak ada yang bisa diandalkan, la banci ideheri pe, sebab mbiar terpapar, pilu sekali. Bageme bangsa Israel, sedekah 70 tahun, terasing ndauh ibas kutana nari, ndauh ibas Rumah Tuhan nari. Tetapi Tuhan labo lalap merawa ras labo nadingken bangsa enda, Jesaya reh meritaken keselamaten man Sion Jerusalem. Seh kal riahna ukur ngidahsa, persuruhen reh ngepari deleng-deleng, maba berita si mehuli, berita perdamen. Imomokenna man Sion, “Dibatandu Raja kap”. Kenca 70 tahun TUHAN maba bangsa enda mulih ku Yerusalem. TUHAN erdalan arah lebena, ras njagaisa arah pudina. berjalan di depan bangsaNya dan berjaga di belakang mereka. Enterem kalak nggeluh ibas aru ate, ling-ling akapna geluh enda, gelap, la idahna lit sinalsal terang ibas geluhna. Lit si enggo kebenen pengarapen, si nggejapken terbuang ras terasing. Ije situhuna tuhu-tuhu perlu kehairenta guna encidahken Berita Si mehuli, berita keselamaten. Selaku si ngikutken Tuhan Jesus, baba Berita e, Berita Si Meriah ni Tuhan Jesus, gelah ia ngaloken keselamaten arah Berita si ipeseh kita.

 Khotbah (Markus 11:1-11). Ibas kepatuhenNa man Bapa si ni Surga. Jesus nerusken perdalanenNa ku Jerusalem, anem gia itehNa nge maka ije IA itangkap ras iukum mate. Jesus reh ku Jerusalem alu nger’sak kalde nguda, lambang kiniteruken ukur, la nger’sak kuda, si ngelambangken gegeh ras kuasa. Enterem kalak si ngikutken Ia bengket ku Jerusalem, ras enterem ka si ngalo-ngalosa alu dem keriahen. Enda teridah arah lit si ngkimbangken uisna, lir si nektek lambe (pucuk batang kurma) ibas jumana nari, e me minggu enda igelari palmarum. Emaka mulai me kalak ndai ersurak-surak, nina, “Pujilah Dibata! Ipasu-pasu Dibata gelah ia si reh ibas gelar Tuhan. Dibatalah si masu-masu Kinirajaan si mulihi ipanteki, e me Kinirajaan bapanta Daud, Pujilah Dibata ibas ingan si meganjangna!” (“Hosana! Diberkatilah Dia yang datang dalam nama Tuhan, diberkatilah Kerajaan yang datang, Kerajaan bapak kita Daud, hosanna di tempat yang maha tinggi!”) Tapi ibas kinatana, kai si mendorong kalak enda kerina ngalo-ngalosa, ras surak-surak si meriah, e me ibas penggejapen secara politik. E me gelah Tuhan Jesus minpin kalak enda lako naluken bangsa Romawi si enggo ndekah ‘ngkuasai Israel. Jelma si enterem la ngasup nangkap erti engkai maka Tuhan Jesus reh nger’sak kelede nguda. Tuhan Jesus enggo melala erbahan tada-tanda sengget, e maka tek kel kalak enda kerna Tuhan Jesus, sinursur Raja Daud guna majekken mulihi kejayaan Israel raya. La tertangkap kalak enda Tuhan Jesus e me Mesias Raja Penampat man kerina isi doni enda. Banci jadi erkiteken petembil ras sura-sura, asum Tuhan Jesus itangkap, kalak si ngataken Hosanna, Hosanna, e ka nge si ngataken Pakuken IA, pakuken IA. Erlajar kita arah peristiwa enda, megati gendeksa kita memaknai pendilo Tuhan, kecewa kita erbahnsa kecewang. Ibas wari enda jadi perenungen si mbages ibas kita ngikut Jesus, jadi kalak Kristen.

Pengkenaina

  • Kita lit ibas Minggu Passion VII, si terakhir, si ikataken Minggu Palmarum. Kenca si e si bengketi me pra-paskah, si ibenaken Kamis Putih, Jumat Agung, Sabtu Pengarapen dan Paskah. Bagi Tuhan Yesus patuh ras setia she ku ujungna, marilah gelah kita pe tetap patuh ras setia ngkutken Jesus. Marilah si renungken kiniseran Tuhan Yesus, khususna ibas paksa enda, ibas kita memutus penularan virus corona, menyangkal diri, memikul salib, dan mengikut Yesus, stay at home, social/physical distancing, menjaga kebersihan, kesehatan, mari kita kerjakan bersama. Merenungkan jalan kesengsaraan Yesus (Via Dolororosa) dan jalan salib (Via Crucis) bersama-sama dengan orang-orang terdekat kita di rumah.
  • Ngikut Jesus ertina muat posisi arah pudi Tuhan Jesus, si teladani IA, ibas perukuren ras perbahanenNa. Emaka tangkas kel ibas pendilo Tuhan Jesus e, niNa, Ise atena ikut ras Aku, la banci lang ipersilahangna bana, ipersanna kayu persilangna, jage ikutkenna Aku (Markus 8:34, 35). Penggejapen “mersan Kayu Persilang” ibas paksa enda enggo kebenen makna aslina, megati icontohken “Kayu Persilang” nggambarken situasi sulit si erbahan ukur gulut (contoh : Anak gutul, narkoban, ninta enda me kayu persilang siarus ku persan), tapi perlu si inget, ibas pendilo mersan kayu persilang, tuhu-tuhu pang mpersilahang bana secara radikal (radic : total, la lit tedeng aling-aling) ibas abad I, bahken abad XIX (bd. Kuta Assam, latar belakang lagu Mengikut Yesus keputusanku), Kayu Persilang/Salib hanya satu makna yang terkandung kematian.
  • Ngikut Jesus e me keputusan pribadi ras mabai seisi jabu tek man Tuhan Jesus. Ngikut Jesus teridah ibas kerina dampar kegeluhenta, alu dem kesadaren cikep pengakunta (komitmen) si teridah ibas kata ras perbahanenta. Kita la nggeluh asal-asalen ras ikut-ikuten, tapi tetap kita erlajar sebab kita idilo la terjeng tek, tapi meritaken keselamaten si enggo sialoken ngataken kita enggo nggeluh ibas keselamaten e.
  • Ngikut Jesus la ersyarat, artinya adi bersyarat, asum kerina sue ras sura-suranta, ninta : Hosanna, Hosanna, tapi adi la bagi ukurta, ninta : Pakuken IA, pakuken IA. Gelah kita ngasup ngikut Tuhan Jesus, kita arus tetap ringan ras IA, nina Tuhan Jesus, labo kam ngasup erbahan kai pe adi la kam ersada ras Aku (bd.Yoh. 15:5).
  • Tuhu lit konsekuensi ibas ngikut Yesus, la populer, ngelawan kebiasaan si la sentudu ras sura-sura Tuhan, banci mabai kalak ernembeh ate, sebab la meriah ukur doni enda adi ipandang, segat atena, imusuhina kita. Tapi ula pernah surut ngikut Jesus, sebab e me dalan si tuhu-tuhu, tek kita ibas kita ngikut Jesus, si nanami keriahen ras kemalemen ate, kegeluhen si ipasu-pasu Tuhan, ras kegeluhen si rasalalap (bd. Ket.2:10c). Amin.

Pdt. Obet Ginting, S.Th,MA

Close Bitnami banner
Bitnami