LITURGI PEKAN DOA

1.Rende KEE GBKP No. 319:1,2

  1. Sada soranta muji Dibatanta, IA jine si njayam kegluhenta Lalap IA’ngkelengitinepaNa, maler me kap tetap pasu-pasuNa
  2. Sada soranta muji Dibatanta, slamat kita ban perkuah ateNa AlokenNa kita jadi anakNa, maler me kap tetap pasu-pasuNa

2. Ertoto Ngataken Bujur Man Dibata

3. Rende KEE GBKP No. 379 “Tuhan Tetap Nemani Geluhku”

  1. Tuhan tetap nemani geluhku, dingen mereken dalan man bangku Ernalem gelah tetap ras ertoto man bana,Tuhan tetap nemani geluhkuKu tahu Tuhan pasti jawab doa, ku tahu Tuhan pasti jawab doa Asalku hidup suci tidakturut dunia, ku tahu Tuhan pasti jawab doa

4. Renungen (Ertoto ope ras kenca renungen)

Nats : Perbahanen Rasul-rasul 21:1-6
Tema : Muat bagin ibas ertoto Perbahanen Rasul-rasul 21: 1-6
ituriken Lukas kerna perdalanen Rasul Paulus kenca ia perpisahen ras perpulungen Epesus. Erlayar Paulus ras teman-temanna ngeleweti ku pulau Kos, pulau Rodos, Patara, seh ku Siria. I Siria nari kapal e terus erlayar ku Tirus, janah ngadi ia i Tirus erkiteken kapal si inangkihina e bongkar muaten ije. Idapeti Paulus enggo lit perpulungen kalak Kristen i Tirus janah sada minggu dekahna Paulus tading ras perpulungen e. lje pe erdahin Kesah Si Badia, ngataken man Paulus maka lit nge kari kiniseran si man bentasenna. Erkiteken sie, perpulungen e ngolang¬ngolangi Paulus gelah ula minter berkat ku Jerusalem. Tapi, kenca seh paksana berkat me Paulus ras teman-temanna nerusken perdalanenna ku Jerusalem. Kerina perpulungen e ras ndeharana bage pe anak-anakna ikut naruhken Paulus ku darat kuta. I tepi lawit perpulungen e kerina radu ras Paulus erjimpuh, ertoto man Dibata. Amin pe kentisik Paulus bas kuta Tirus tapi teridah enggo bagi sada keluarga ras perpulungen e. Lit hubungen si akrab, janah igejabken penampat perpulungen e mbelin kel khusuna arah pertotonna. Pertoton perpulungen e jadi pengapul dingen rumat man Paulus ibas nerusken perdalanenna. Simehuli teridah ije maka anak-anak pe ikut naruhken Paulus ras teman-temanna. Anak-anak e ikut erjimpuh ertoto man Dibata kerna peberkat bagepe perdalanen Paulus ku Jerusalem. Baci siidah maka danak-danak pe ikut muat bagin ertoto ras ndahiken dahin perpulungen. Aru pe ate Paulus ibas kesirang-sirangen e, tapi meriah dingen malem ukurna natap kiniersadan jabu-jabu perpulungen e. Jabu si ertoto e me jabu si banci maba pasu-pasu man sekelewetna. Bapa, nande ras anak-anak kerina ikut muat bagin ertoto kerna dahin-dahin perpulungen. Anak-anak la terjeng itotoken tapi pe ertoto kerna dahin­dahin perpulungen, ertoto kerna teman, guruna sekolahna (ikut pe guru sekolah mingguna), guna orang tuana, bagepe ertoto kerna dirina jine. Salu bage,orangtua tetap min ngiahken, ngajuk bagepe ngajari anakguna ertoto. Arah ertoto ngenca baci kita ngerakut kiniersadan jabu, ngerakut kekelengen dingen ngelaken kekelengen kusekelewetta. 5.Persembahen / Rende KEE GBKP No. 281: 1,3

  1. Kek’lengen Yesus kempak manusia, desken Dibata engkelengi ia KekelengenNa maler kap man banta, adi sipakelah pedahnaReff• Min sikeleng-kelengen kita krina, Bagi pedahken Yesus bas pustaka Sebabna kai sipindo basgelarNa, Ib’re Dibata man banta

  2. Bas paksa kita nehken kekelengen, ola min siban ceda kempakteman Erban mehuli ola rahan ahan, lah kedamen jujurken TuhanReff• Min sikeleng-kelengen kita krina, Bagi pedahken Yesus bas pustakaSebabna kai sipindo basgelarNa, Ib’re Dibata man banta

6.Pertoton Sapaat (Sekaligus kerna persembahen, isi jabu, rejeki ras kesehaten, pekan doa wari sipepagijanah iujungi salu pertoton Tuhan)

Close Bitnami banner
Bitnami