1.RENDE KEE No. 9 : 1 DIBATA SAJA MAN PUJIN

    1. Dibata saja man pujin, Ersembah ‘rjimpuh kita min,
      Ermengkahlah ateta.
      Melias m’IA bujur ka, La kita itadingkenNa,
      ‘Di kita mekelesa
      Dage teman ersuraklah ! La ‘rsibar kekelengenNa,
      iligeniNa kita lbas ende-endenta e
      Nggit kita muji Bapa ndai, LiasNa ras ulinNa

2.ERTOTO

3.RENDE KEE No. 457 :1,2 BAGI KELENG ATE ORANG TUA

  1. Bagi keleng ate orangtua, Nandangi kita anak-anakna
    Bage me keleng ateTuhanta, Nandangi kita buah atena
    Malem tuhu ban keleng atena
  2. Bagi lau maler I deleng nari, maler ku suah lalit peltepna
    Bage me lias ate Tuhan nta, nandangi kita buah atena
    Malem tuhu ban lias atena

3.RENUNGEN (lbenaken ras idungi alu toto)

Ogen          2 Kronika 1:1-12

Tema         Ertoto Mindo Kepentaren.

“….bereken man bangku kepentaren….” Eme pemindon Salomo man Tuhan. Engkai maka Salomo la mindo gelah kerajanna termurmur ras tetap paguh seh rasa lalap? Engkai maka la ipindona erta kebayaken, entah umur gedang entah kenikmaten kenikmaten doni. Engkai maka kepentaren? Kepentaren (hikmat/kebijaksanan) eme pusuh ras perukuren sipentar. kepentaren labo seri ras daya nalar (beluh secara teori pengetahuan) tapi kedewasaan sikap baik ibas muat keputusen, mbages pengertinna kerna tujun geluhna ras megenggeng ras jadi pemenang ibas kerina perbeben si ialakenna. Erkiteken sie kalak pentar berbeda pe ras kalak sidenna, si la lit kepentarena. lbas Pustaka Sibadia melala kel contoh-contoh kalak pentar, misalna Nuh ngasup ia ngidah sura-sura Tuhan, ibangunna kapal. Jelma sinterem la ngangkai kai sibakal jadi tapi Nuh ietehna tujuan ia erbahan kapal e, Job

pentar ibas ngalaken perbeben geluhna seh ia jadi pemenang, Salomo pentar ia ngerunggui persoalen simesera seh idat keputusen sibenar ibas perkara 2 diberu simperebutken anak. Jadi kepentaren e tuhu tuhu meherga, ergan asangken emas, pirak ras erta-erta silit ibas doni enda (bdk. Kuan-kuanen 3:14). Erkiteken sie me maka ipindo Salamo kepentaren tupungTuhan nungkun kai iberekenNa man Salomo.

Menaken Salomo jadi raja itengah-tengah kalak Israel mis ibabaina kerina kepala pegawaina, kerina pegawaina ras kerina kepala keluarga Israel ersembah man Tuhan i Gibeon. Engkai maka i Gibeon la i Jerusalem adi enggo me ibangun Daud, bapana kemah suci ras peti perpadanen pe enggo me lit ije. Salomo ersembah i Gibeon sebab ije me kemah perjumpan siiban Musa tupung kalak Israel ndarat i Mesir nari nuju Kanan. lje pe itamaken batar-batar (mezbah) tembaga siibahan Besalel kempu Hur. Salomo ras kerina bangsa e ersembah man Tuhan. Ipersembahkenna 1000 asuh­asuhen ibas batar batar e. Tupung Salomo ersembah, Dibata encidahken diriNa man Salomo janah iberekenNa kesempaten man Salomo guna mindo kai siiperluken Salamo. Ipindona kepentaren ras pemeteh guna ngerajai Isarel. Pemeteh siipindo Salomo, memang eme me simehergana, siutama; Salomo sadar labo mesukah memimpin sada bangsa pilihen Tuhan. Kepentaren eme jadi palas kepemimpinenna, sierbahanca Salomo jadi raja si termurmur.

Alu bage dage kita kerina enggo ngidah uga mehergana kepentaren, emaka pindolah ibas pertotonta. Sebab Dibata kap ngenca ulu kepentaren situhu­tuhu, alu erkemalangen man Tuhan. Kai pe siilakoken kita, benailah kerina erpalasken kebenaren kata Dibata.

    • lbas perdalanen geluhta megati kel kita bagi kalak si lit ibas persimpangen; bingung kita nentuken dalan siapai nge arus siibentasi salah pilih kenca banci kita erkadiola segedang-gedang geluhta. Misalna ibas milih sekolah/perkualiahen, milih jodoh, pendahin ras sidebanna, ula kita sempat salah pilih. Erkiteken sie ertotolah mindo kepentaren man Dibata.
    • lbas masa wabah corona enda, melala kiniseran nggeluh. Melala si man tangkelen, pendahin, kondisi perduiten ibas jabu, kerna persekolahen anak seh pe turah penungkunen asakai nari dekahnabagenda. Adi nggo dung pagi pandemik enda, mis nge pagi kita steril ibas virus enda nari? Mesera njababsa secara logika, emaka pindolah kepentaren man Tuhan gelah la kita putussemangat.
    • lbas zaman teknologi informasi (IT) enda pe melala nge tawaren, bagi tawaren Tuhan man Salomo, kai atendu siipindondu nina. Kai pe lit ije mulai dari kebutuhan seh pe kubas jile-jile; mulai ibas simehuli seh pe kusila erluhu lit kerina ije. Uga kita bijak make teknologi. Pindolah kepentaren man Dibata, sebab kalak sierdalan ibas kepentaren Dibata bujur perbahanenna, maba kiniulin pe man kalaksideban.

5.PENGAKUN KINITEKEN

6.PERSEMBAHEN

Kata Dibata si jadi palas nina : “Sangap kal kalak si malang man Tuhan, si nggeluh ngikutken kerina perentahNa. Ipanna me ulihna latih, sangap nggeluh, mehuli sekerajangenna. Bage me pasu-pasu Tuhan, man kalak si malang man baNa” (Msm 128 : 1,2,4). Janah kita ngendesken persembahen Rende kita ibas KEE No. 343 : 1-2 Pasu-pasu Bas Tuhan Nari

  1. Pasu-pasu bas Tuhan nari, gejapken kami tep-tep wari,
    Bas paksa-paksa geluh kami. Kam me kap tetap si ngkawali
    Pasu-pasu bas Tuhan nari, jadi pergegeh tendi kami
    Guna ndalani wari-wari, si rehna bas Kam Tuhan nari

    • Reff. Pasu-pasu dageoTuhan, Persembahen kami anakNdu.
      Labo kapen enda metunggung, Persembahen si nggo pepulung,
      AjariNdu pe kami gelah min, tetap ngasup mere man Tuhan
  2. Buaten lit kami o Bapa,gejapken kami Kam empuna,
    Tanda ukur kami meriah, endesken kami baNdu Bapa.
    Persembahen enda o Bapa, desken bunga ncole merimna,
    Persembahen ateNdu ngena, bagelah akapNdu o Bapa. Reff•      

7.PERTOTON PERSEMBAHEN & SYAFAAT

8.RENDE KEE No. 249 : 1 AJAR AKU 0 TUHANKU

  1. Ajar aku oTuhanku, Make Kata rasa pedahNdu
    Kueteh payo rassentudu, Kuikutken basgeluhku.
    Reff. Si ngikut pedah Dibata, Daten me kerembakenNa
    Pedah kata tangkas krina, Em jadi gelementa.

9. PERTOTON TUHAN

Close Bitnami banner
Bitnami