Liturgi Kebaktian 15 Nov 2020 MINGGU KELUARGA

by | Nov 14, 2020 | BahanKhotbah, Berita

MINGGU, 15 NOPEMBER 2020 / MINGGU XXIII KENCA TRINITATIS (MINGGU KELUARGA)

1 Kata pengalo-ngalo ras Momo

Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina.I bas bena kebaktinta mari dage si dengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda. (Ngogeken Momo).

2  Kata Penaruh

Turang ras senina, Minggu enda igelari Minggu Keluarga, sada kesempaten man banta guna ngangkai kerna erti, pendilo ras tujun perjabun selaku kita kalak Kristen.Dibata njadiken dilaki ras diberu, jenari mpersadakenca jadi sada keluarga, si dilaki jadi perbulangen ras si diberu jadi ndehara.Alu bage jabu e biakna badia, e maka idilo Dibata guna njagai ras mpekena-kena doni enda. Kerina isi jabu lit i bas persadan si mehuli guna nehken sura-sura Dibata.

 

PERPULUNGEN TEDIS

 

KEE 325. TUHAN I TENGAH-TENGAHTA (Ayat 1,3)

verse 1
Tuhan i tengah-tengahta,M’reken pasu-pasuNa,

Maler desken lau si mbelin,La nai lit si terulin

chorus
Usekenlah min KesahNdu,Temani geluh kami

Gegeh kami p’limbarui,K’rina jadi mehuli

verse 2
Tuhan i tengah-tengahtaReh riahna ukurta

Reh tenengna pertendinta Reh damena pusuhta

verse 3
Reh tetapna me ukurtaNehken sura-suraNa

Di ernalem la kap lupaErmulia Tuhannta

 

Votum Salam
L: I bas gelar Dibata Bapa si njadiken jabu kalak si tek, i bas gelar AnakNa Jesus Kristus si engkelengi jabu ras i bas gelar Kesah si Badia si negu-negu jabu kalak si tek.

Perkuah ate ras dame i bas Dibata Bapa, AnakNa Jesus Kristus ras kerembaken Kesah si Badia, ras kita (kam) kerina gelah. Amin.

P: Amin ….. Amin ….. Amin ….. (iendeken)

 

3 Berita Kerna Perbahanen ras Sura-sura Dibata (lnvocatio)

L: Efesus 5 : 2

2 Geluhndu arus erpalasken keleng ate, bagi Kristus nggo engkelengi kita, dingen ngendesken KesahNa man gunanta. Ia nggo mpersembahken DiriNa jadi persembahen si merim si ngena ate Dibata.

Erpalasken Kata Dibata enda, si puji IA alu ras kita ngendeken : ……

 

 KEE 308. PUJI TUHAN HALELUYA (Ayat 1,2)

1. Puji Tuhan haleluya wari enda wari Dibata

Pulung kita k’rina jenda  rende nembah muji gelarNa

chorus
Haleluya haleluya puji gelarNa Haleluya haleluya puji gelarNa

2. Asa Kristen japa giaPuji Tuhan si perkeleng eb Ia si nangtangi kita

Ibas kuasa gelap e 

3. Dage mari kita k’rina Ralep – ralep muji gelarNa

Ia si ndarami kita k’rina si mbabai kita ku surga

 4. Nggo sasapkenNa dosanta, katakenlah bujur man baNa

Adi Ia penggurunta, IbahanNa malem ateta

 5. Ola nai dua ukurta. Ikutlah Tuhan Yesus e

Sipesikaplah pusuhta, dame nari si k’rajanta

 

PERPULUNGEN KUNDUL

 

4 Kecibal Keluarga si Ngena Ate Dibata

L: Sangap kal kalak si malang man TUHAN, si nggeluh ngikutken kerina perentahNa.

Mamre : Ipanna me ulihna latih, sangap nggeluh, mehuli sikerajangenna.

Moria : Ndeharana bali ras anggur si meramis buahna i bas rumahna,

Anak : Dingen anak-anakna bali ras tunas batang saitun i sekelewet mejana.

L: Bage me pasu-pasu TUHAN, man kalak si malang man baNa. TUHAN lah si masu-masu kam i Sion nari, mbera idahndu kesangapen Jerusalem kidekah umur geluhndu.

Cawirlah kam metua, maka sempat idahndu kempu-kempundu. (Masmur 128:1-6a). Sipuji Tuhan alu ras kita ngendeken : …..

 

KEE 275. KAM TUHAN SEKAWALU

verse 1
Kam Tuhan sekawalku la lit kebiarenku, Amin gulut ukurku, Ernalem tetap baNdu

Galumbang si merawa jadi ibas geluhku. Lalap aku erpengendes sebab Kam kap bentengku

verse 2
Aku iapuliNa, adi reh kesusahen, IbrekenNa bangku perpadanen si tetap

”Ola mbiar anakKu  Aku kap sekawalku”. Bage kap nina Tuhanta

Verse 3
Man banta si tek baNa

 

3. ‘Di Bage nina Tuhan Ula pedekah-dekah, Sidahilah gundari Tuhannta si perkeleng

Ikutkenlah kataNa Ula perkulah-kulah, Pengarapen ib’rekenNa Em gegeh bas geluhta

 

5. Pengakun Kerna Kinilangasupen Ndalanken Jabu Si Ngena Ate Dibata

L: Nina Dibata : “Patuhlah sekalak nandangi sidebanna, erkiteken kam mehamat man Kristus.” Uga nge ndia pendalankenta (ndu) i bas jabu sedekah enda?

(Paksa Teneng)

L: O kam ndehara, patuhlah man perbulangenndu bagi patuh man Tuhan. Sabab perbulangen nge takal ndehara, bali ras Kristus takal perpulungen, janah Kristus nge si engkelini perpulungen si jadi kulaNa e.

Moria: Ngaku kami o Tuhan, megati kami la ngergaken perbulangen kami selaku bapa itengah-tengah jabu.

L: O kam perbulangen, kelengilah ndeharandu, bagi Kristus engkelengi perpulungen, dingen ngendesken KesahNa guna perpulungen e.

Mamre: Ngaku kami o Tuhan, megati kami la ngasup engkelengi ndehara kami bagi Jesus si enggo mereken diriNa man perpulungen.

L: Kam orangtua! Ola pesega-sega anakndu si erbahanca ia merawa. Tapi i bas pebelin-belin ia, ajari dingen tegu-tegulah ia bagi si ngena ate Tuhan.

Org tua: Ngaku kami o Tuhan, megati peraten kami ngenca siipeseh kami guna ngajarken anak kami. Janah la ibabai ras itegu-tegu kami ia bagi si ngena ateNdu.

 L: O kam anak-anak! Ikutkenlah ajar orangtuandu, sue ras peraten Tuhan sabab patut idalankenndu.  “Pehagalah nande-bapandu,” eme pedah sipemena radu ras padanNa.

Anak: Ngaku kami Tuhan, megati la megiken kata ras ajar orangtua kami. Megati pengerana ras perbahanen kami erbahanca ceda ukur orangtua kami.

L: Mari tole sipebagesi pengakunta man Dibata alu ngendeken : …..

 

KEE 211.I LEBE – LEBE YESUS (1-3)

 I lebe – lebe Yesus, Ku ‘ndesken k’rina geluhku
Ras isi pusuh ukurku, I lebe – lebe Yesus

verse 2
I lebe – lebe Yesus, Reh aku latih ras mberat
Ku Ia mindo penampat, I lebe – lebe Yesus

verse 3
I lebe – lebe Yesus, Kuesehken toto man baNa
Geluhku isampatiNa, I lebe – lebe Yesus

verse 4
I lebe – lebe Yesus, Teridah k’rina salahku
IalemiNa dosangku, I lebe – lebe Yesus

verse 5
I lebe – lebe Yesus, Nggo senang me kap geluhku
Si pagit pe jadi ntebu, I lebe – lebe Yesus

 

PERPULUNGEN TEDIS

 

6. Berita Pengalemi Dosa

L: Selaku persuruhen Dibata, aku nehken KataNa man banta (ndu) kerina kita (kam) si enggo ngakuken dosanta (ndu), niNa :

“Kita (kam) enggo erkubang-kubang ibahan dosa, tapi iperidiNa (Ku peridi) kita (kam) maka bersih bagi salju.

Aminna gia erkiteken dosanta (ndu) kita (kam) enggo mbiring bagi tengguang, mulihi kita (kam) jadi mbentar bagi kapas. ” Amin. (Bdk. Jesaya 1:8).

I bas keriahen ukurta erkiteken dosanta (ndu) enggo ialemi Dibata, si puji dage IA alu ngendeken : …..

 KEE 269 : ENGGO MASAP DOSANGKU

verse 1
Enggo masap dosangku, K’rina perban dareh Yesus,

Malem ate tendingku K’rina perban dareh Yesus

chorus
0, dareh Tuhanku  Si ngklini tendingku
Badia geluh ku  K’rina perban dareh Yesus

verse 2
Dame me kap pusuhku K’rina perban dareh Yesus

Labo perban bujurku K’rina perban dareh Yesus

verse 3
Pengarapenku nteguh K’rina perban dareh Yesus

Sangap geluhku tuhu K’rina perban dareh Yesus

 

PERPULUNGEN KUNDUL

 

7 Nehken kata Dibata    

Ogen:2 Korinti 9 : 13 – 15(Tunggal)

Lit : Ketuahen Kalak simegiken Kata Dibata dingen simakekenca ibas geluhna sitep-tep wari. Haleluya.
Perp : Haleluya.. Haleluya…..Haleluya….

KhotbahJesaya 8 : 16 – 20 (Tunggal)
Thema : “JABU JADI BERITA SI NGGELUH”

OGEN

13Kam ngaku maka patuh kam nandangi Berita Si Mehuli kerna Kristus. Pengakunndu e payo adi teridah kam menang i bas soal nampati. Janah erkiteken penampatndu e, nterem me pagi kalak muji Dibata. Tole pe ipujina Dibata erkiteken persadanndu si enteguh e, si teridah man bana ras man kerina kalak Kristen si deban.

14Itotokenna pe kam alu dem keleng ate, nginget lias ate Dibata si la tersipati si seh man bandu.

15Bujur ninta man Dibata kerna PemereNa si la terkataken nari uga ulina.
KHOTBAHKata persinget gelah ula nungkuni guru si baso

16Kam ajar-ajarku arus njaga ras muniken kata si nggo ibereken Dibata man bangku.

17Ibuniken TUHAN DiriNa i bas BangsaNa nari, tapi aku ernalem ras erpengarapen man BaNa.

18Aku ras anak-anakku si ibereken TUHAN si Mada Kuasa, si ringan i Deleng Sion, nggo IsuruhNa jadi berita si nggeluh man bangsa Israel.

19Tapi jelma si nterem ugapa pe nuruh kam gelah nungkun berita i bas guru perkatika ras guru si baso nari, si erkata kerahungna ras guru pertabas. Nina kalak si nterem e, “Ma arus kin kita nungkun keramat-keramat ras begu kalak mate guna kiniulin kalak si nggeluh.”

20Emaka arus i jabapndu ia, nindu, “Begikenlah kai si iajarken TUHAN man bandu. Ula begiken guru-guru si baso, sabap kai si ikatakenna labo lit gunana man bandu.”

 

 PERPULUNGEN TEDIS

 

8. Pengakun Kiniteken

 

PERPULUNGEN KUNDUL

9. Persembahen Pengataken Bujur

PEE 104. SEH KAL SIMPARNA PEMERENDU

VERSE 1
Seh kal simparna pemereNdu,O Tuhan, mejuah-juah kerina ibas jabu

la lit si magin, pinakit la ertahan, Ngataken bujur pusuh kami man baNdu

VERSE 2
Nggo kap mbuah bage page si nisuan, janah pe merih bage manuk niasuh

Ajari kami ersembah baNdu,Tuhan, Lah malem ate ras dame i bas pusuh

VERSE 3
Di kiniteken erbuah bas perlagu, Bas engkelengi min ola kita medu

Bas si mehuli lalap min kita mbaru, Tuhan Dibata tetap si masu-masu

 

10. Ertoto kerna Persembahan ras Syafaat

 

PERPULUNGEN TEDIS

 

11. Perpadanen Man Dibata

L: Dibata mpersadaken isi jabu guna pekena-kena doni enda.

P: Erpadan kami Tuhan, makeken jabu kami ndalanken kerina kai si isurakenNdu. Nggit kami siergan ras patuh sada ras sidebanna. Emaka kami ras isi jabu kami, Kam ngenca isembah kami.

L: I bas mpeteguhi perpadanenta, sipuji Tuhan alu ngendeken : ……

 

PEE 16. TUHAN DIBATA TETAP SI NEMANI
(Ayat 1-2)

Tuhan Dibata tetap si nemani,  Adina sirang gia kita kari

Rarasen Tuhan ola kel silahi,  ‘Lah jumpa ka pagi kita ngulihi,

chorus
Sirang kin gia kita tik nari Tuhan Dibata ‘lah ‘ban si nampati,

 Seh ngayak jumpa kita ngulihi,  Juah-juahen min kula ras tendi

verse 2
Ibas mentasi k’rina wari-wari  Kesah Badia bahan si ngkawali

‘Di setan iblis ‘tehndu nge la uli  Sitik pe ola ‘nggit kam idiheri

verse 3
‘Tah paksa suhsah gulut gia sekali  Minter turiken baNa si terjadi

Tentu si serbut banci salangsai ‘Di Tuhan Yesus banndu si ngapuli

verse 4
Kidekah pusung ndabuh ibas doni  Kerna pergeluh labo tersipati

Adi dosanta enggo ijelasi E surga naring’ pagi ingan ngadi

verse 5
La kapen ndekah ‘nggeluh ‘bas pertibi  Kerna perlawes la ‘teh katawari

Perbahanennta oratiNa ng’ pagi Maka lagunta ‘banlah si mehuli

 

PERTOTON TUHAN ras PEMASU-MASUN

 

Close Bitnami banner
Bitnami